Vereinsgeschichte
Gschicht vo de Schlüch
Im Joor 1979 hetts ainigi Gugge-Gründige gäh. Au unsere Verein isch in sällem Joor entschtande. Im hintere Glaibasel, genauer gsait im Rest. Klybeckgarte, hett sich Afangs 1979 ä bierseeligi Rundi vo paar junge Männer troffe.
No e paar Bächer isch d’Idee vonere Gugge-Gründig in d’Rundi gworfe worde. E Name hetts nadirlich au brucht… Wie wärs mit Gülle-Schlüch hett aine gmaint? Und s’Unhail hett si Lauf gnoh.
1980 hett me s’erschti mol Fasnacht gmacht im Tenue Charivari. Mittlerwyyle sin mir au scho 40 Joor uf dr Gass. Wär hätt das dazumal Dänggt…? Mit unserem aigene Sound und mit allewyyl viel Härzbluet, derfe mir uf e grossi Fanbasis zelle in däre Stadt. Das macht uns Stolz und mir bedangge uns an däre Stell bi all däne wo uns syt Joore unterstütze und uns aifach gärn hän.
Mir sin bym Comité Agmolde, laufe dr Cortège, lääbe d’ Traditione, stöön zu de Brüüch und sin stolzi Gülle-Schlüüch!
Mir hän i däne Joore ainigi Höhepünggt derfe erlääbe:
1999 uf dr Mimösli-Bühni.
Novämber 2012 – Merze 2013 uf dr grosse Bühni vom Theater Basel, s’ Stügg hett Black – Rider ghaisse.
(Musik vom Tom Waits.) S’erschte und ainzige mol wo e Gugge im e klassische Theaterstügg uf däre Bühni gschtande isch.
Mehrmooligi Teilnahm am Karneval in Düsseldorf und an e huffe Vorfasnachte in unserem Land.
Au an de Gugge-Events in dr Region Basel sin mir gärn presänt. Öb Schotte-Soiree, Ohrgasmus, Erle-Schittlete usw.
Uf no e huffe wyyteri Joore mit Eych Freue mir uns.
Gülle-Schlüch
Im Joor 1979 hetts ainigi Gugge-Gründige gäh. Au unsere Verein isch in sällem Joor entschtande. Im hintere Glaibasel, genauer gsait im Rest. Klybeckgarte, hett sich Afangs 1979 ä bierseeligi Rundi vo paar junge Männer troffe.
No e paar Bächer isch d’Idee vonere Gugge-Gründig in d’Rundi gworfe worde. E Name hetts nadirlich au brucht… Wie wärs mit Gülle-Schlüch hett aine gmaint? Und s’Unhail hett si Lauf gnoh.
1980 hett me s’erschti mol Fasnacht gmacht im Tenue Charivari. Mittlerwyyle sin mir au scho 40 Joor uf dr Gass. Wär hätt das dazumal Dänggt…? Mit unserem aigene Sound und mit allewyyl viel Härzbluet, derfe mir uf e grossi Fanbasis zelle in däre Stadt. Das macht uns Stolz und mir bedangge uns an däre Stell bi all däne wo uns syt Joore unterstütze und uns aifach gärn hän.
Mir sin bym Comité Agmolde, laufe dr Cortège, lääbe d’ Traditione, stöön zu de Brüüch und sin stolzi Gülle-Schlüüch!
Mir hän i däne Joore ainigi Höhepünggt derfe erlääbe:
1999 uf dr Mimösli-Bühni.
Novämber 2012 – Merze 2013 uf dr grosse Bühni vom Theater Basel, s’ Stügg hett Black – Rider ghaisse.
(Musik vom Tom Waits.) S’erschte und ainzige mol wo e Gugge im e klassische Theaterstügg uf däre Bühni gschtande isch.
Mehrmooligi Teilnahm am Karneval in Düsseldorf und an e huffe Vorfasnachte in unserem Land.
Au an de Gugge-Events in dr Region Basel sin mir gärn presänt. Öb Schotte-Soiree, Ohrgasmus, Erle-Schittlete usw.
Uf no e huffe wyyteri Joore mit Eych Freue mir uns.
Gülle-Schlüch