Das sind Mir

D`Grindig vo unserem gliebte Verein isch bekanntlich im Joor 1979 vo schtatte gange. E luschtigi Rundi isch im Rest. Zem Wilde Maa, im Glaibasel zämme ghoggt. Me hett d`Idee ka e Gugge z`Grinde. Fasnacht z`mache. Do sin unter anderem dr Meggeli, dr Nyffe, dr Bölle, dr Mille und dr Eugen derby gsii. D`Namensfindig isch rain zuefällig Entstande. Wie wärs mit Gülle – Schlüch het aine in d`Rundi gworfe…Das hett denn allne passt und somit isch us däm luschtige Obe, im Wilde Maa, e Gründigs-Versammlig worde. Erschti Priorität isch die Aggtivi Tailnahm an dr Basler Fasnacht. Und zwar offiziell, bym Comité agmolde. Mit Cortège und allem was derzue ghört. Do hett sich au bis hüt nüt gänderet. 1980 isch die Truppe also s`erschti mol uf d`Gass. Gäld isch no kains vorhande gsi. Jede hett also fyr dr Lumpe, d`Larve und s`Instrumänt sälber miesse luege. S`erschte Gruppe-Föteli im Tenue Charivari isch Legendär. Im Johr 1981 isch me dene s`erschte mol ainhaitlich unterwägs gsii, im ebeso Legendäre Popeye-Outfit.

Höhepinggt: Hetts e huffe gäh

S`absolut wichtigste isch aber s`Mennschliche, dr Zämmehalt und dr Spirit. Und dä isch no genau glich wie anno 1979